كلمات قصيدة لما جيت اكتب عن امي مكتوبة هشام الجخ كاملة .. وهي قصيدة من أجمل القصائد التي ألقاها الشاعر هشام كامل عباس محمود الجخ، هو شاعر مصري معاصر له أكثر من 55 قصيدة معظمهم بالعامية المصرية وجميع قصائده صوتية، أصدر ديوانه الأول بمسمى “الديوان الأول” في معرض القاهرة الدولي للكتاب عام 2017 ..
الشاعر هشام الجخ صاحب قصيدة لما جيت أكتب عن أمي , ويكيبيديا
الشاعر المصري هشام الجخ من مواليد 1 أكتوبر عام 1978 في محافظة سوهاج، لأسرة صعيدية من أصل قناوي حيث أنه ينتمي لقبيلة (الهوارة) بمركز أبو تشت محافظة قنا، وأخواله أيضاً من محافظة سوهاج – عائلة (حجي)، درس هشام في سوهاج ثم انتقل في مرحلة الجامعة إلى القاهرة وحصل على بكالوريوس كلية التجارة من جامعة عين شمس عام 2003، وفور التخرج تم تعيينه مشرفاً على المركز الثقافي في جامعة عين شمس حتى استقال من هذه الوظيفة عام 2009 رافضاً حياة الموظفين التقليدية وأيضاً ليتفرغ بشكل كامل للشعر، وقبل ذلك كان قد حصل على الدراسات العليا في علم إدارة الأعمال من نفس الجامعة عام 2007، أيضاً حصل على لقب أحسن شاعر عامية شاب من اتحاد الكتاب المصري عام 2008، حصل على المركز الثاني في مسابقة أمير الشعراء بأبي ظبي في الشعر الفصيح عام 2011، أصدر ديوانه الأول في معرض الكتاب الدولي بالقاهرة عام 2017 تحت مسمى الديوان الأول .
كلمات قصيدة لما جيت اكتب عن امي مكتوبة هشام الجخ كاملة
فالسطور القادمة سوف نرفق لكم قصيده لما جيت اكتب عن امي مكتوبة للشاعر هشام الجخ كاملةً، وهي تعتبر من أهم وأجمل القصائد الشعرية التي تتحدث عن الأم , هي مكتوبة كالآتي:
لما جيت اكتب عن امي.
قولت عنها شايله همي
قولت دي بتجري في دمي.
قولت ياما حاجات كتير مش جديدة
لما جيت اكتب عن امي عاجزة قدامي القصيدة.
شايلة سرّي.
كان زمان بيني و بينها حبل صري
اتقطع يوم الولادة و اتوصل حبل الواداد
حب متحولش عادة من كلام رب العباد
حبها اصلا عبادة.
في التعب كانت بتسأل.
جه مؤنث جه مذكر
جه بيضحك جه مكشر
جه على الدنيا بسلامة
وقتها ماكنتش بفكر
كنت بابكي و كانت بتحضن بابتسامة
وقتها مكنتش بفكر
ده الضنا جه من الضنى
لما جيت اكتب عن امي لاقتني بكتب عني انا
لما جيت اكتب عن امي عاجزة قدامي الحروف.
قام الألِف زعّق وقف
قالي ما تفهم يا ولا
ده انا مشترك في اسم من لا شريك له
و اول الاسم الألِف
و اول الام الألِف
و دي مش صدف.
ربك بيخلق من العدم خلق الألم وهنا علي وهن
شالتني لحد ما بلغت الحُلُم
و ياما بتدلع عليها و ياما بتمنع عليها
و ياما حاوطتني بجناحها
و ياما دمعت في عينيها.
و من ايديا تاتا تاتا
و رجلي داست على البلاطة
و داس عليها عجل زماننا
و كانت بتحضني ببساطة
و لما بتعب كانت بتعب كانت تطبطب
كانت تجبلي الشكولاتة
كبرت فجأة
لاقتني بزهق من كلامها عن السجاير
عن العيال اللي مصاحبهم على الدراسة
خش ذاكر!
اجي اتدلع تقوللي ده أنت راجل
ده اللي قدك دخلوا دنيا
بص يا ابني
خلي بالك دي السنين زي الكلونيا
تحطها بتطير بسرعة
ماتلاقيش لهواها ريحة
السنين بجحة و صريحة
أمي مابتعرفش تجرح
بس ياما باتت جريحة
لما جت وقفت قصادي
قالتلي أنت امتدادي
أنت نور عيني اللي شبهي
أنت دونا عن ولادي
وقتها أنا كنت غاوي للغناوي
كنت أسيبها قاعدة و انزل اترمي في حضن القهاوي
هي ديا أحلى عيشة
هاتلي نار على فحم شيشية
هاتلي طاولة
أمي دي فاكراني طيشة
لأ دة انا راجل بشنبي
بصوا دقني
و اما جالي الحزن داقني
و الزمان خد مني خانة
الدوا اللي عند امي
مش لاقيه ف الاجزخانة
كل ليلة كنت برجع و الدُعا صالبلي ضهري
و التعب فارد طريقي و السنين بتقولي اجري
في الزمن عمال بسابق
بلتقي بحضن بفارق
زحمة الدنيا خدتني
مفتكرهاش إلا لما بس الاقي الاكل حادق
أنت فين مش عارف اكل
اقعدي جانبي تعالي اسمعي آخر المهازل
مرة واحد حب ينجح قاله عنه انّه فاشل
مرة واحد حب واحدة بس سبها لأنه عاطل
قالوا عني إني شبهك
قالوا واخد شكل شعرك
ضعف نظرك
و السنان البايظة منك
ياما جرحوني يا أمي و بدعاكي جت سليمة
هما لما يقولوا عني ابن أمي دي شتيمة!
كملي جميلك يا أمي و بعد عمر طويل أوي
روحي للرحمن قوليله ان ابني بيحبني أوي
ياما زعلني و سامحته
ياما زعقلي و كان يكفيني بس اشم ريحته
كان بينسى يقولي شكرا وانا باديه من حياتي
بس أنا و انت اللي عالِم كنت بدعيله يوماتي
ربنا يهديه يسامحه
كان كتير يصعب عليا لما اشوف في عيونه جرحه
مهما يعمل لسة ابني اللي كان في اللفة خايف
مهما ينطق لسة سامعة ماما من أصغر شفايف
كملي جميلك يا أمي
و روحي للرحمن قوليله
هو ابني امتدادي
هو نور عيني اللي شبهي
و اما جيت أكتب عن أمي
برضه كل كلامي عادي