المحتويات
من يموت شاعر تحزن النجمات؟
قصيدة شعرية لاقت رواجا واسعا في الشارع العراقي والعربي منذ نشرها من الشاعر الراحل مظفر النواب والذي يحظى باهتمام كبير ومحبة واسعة في اوساط العراقيين واشتهرت له الكثير من القصائد الشعرية كان ابرزها ما نستعرضها لكم في مقالنا الان.
كلمات من يموت شاعر تحزن النجمات والاشجار تبچي تگول شاعر مات والأزهار والأنهار تمشي ارواحهن وي روحه امشيعات
لامست هذه الابيات قلوب سامعيها منذ نشرها وحققت نسب عالية من القراءة للشاعر العراقي الشهير ظافر النواب والذي سنستعرض لكم ابياته المميزة التي يسعى الكثير للوصول اليها من خلال مقالنا الان لكافة السائلين.
من يموت شاعر تحزن النجمات والاشجار تبچي تگول شاعر مات والأزهار والأنهار تمشي
ملك الموت اجاني وسأل عن حالي
وعن اخر قصيده چانت ابالي
اخرني دقائق ما اخذ روحي
احترامآ للشعر والگلبي الخالي
وبهاي الدقائق اهلي گالوا مات
واني اسمع واحس بكلشي يجرالي
بدو غسلوا جسمي وحضرولي اقماش
اذكر يسمونه الكفن من چنت اتنفس
بدو لفو جسمي بيه وانه بي مشغول
ابيض لونه يشبه ثوب المعرس
عجيب !!
اشگد روائع اكو بهل موضوع
بس موهسه وكت ادروس واندرس
ومابين الزعيق وضجت اهل المات
صوت بأذني اجاني بكل أدب يهمس
من يموت شاعر تحزن النجمات
والاشجار تبچي تگول شاعر مات
والأزهار والأنهار تمشي ارواحهن وي روحه امشيعات .
حبات الرمل من اجله تچوي الگاع
وصگور الجزيره لموته حزنانات
وطيور الگنابر ذني علويات
يدعن كل حمام الكون يلتم ويه روح المات
اذا كل هذه يحدث لئن شاعر مات
عليك بكل سعاده تودع الحلوات
وبده موكب وداعي وشفت بيه اشكال
اسمعت احله شعر بلسان حلوه انگال
گالت رايح الله وياك جاورهم
عندي احباب غاد اهناك سامرهم
گلهم روحي صلفه وظاله انه هنا
خذو كل الحلو ظل بلگلب مرهم .
ومشه الموكب .
وصلنه لفلكه الداخل
مايسمع السايق لوصحت نازل
تمنيته يفرني الثوره كلهه اليوم
هاذه فراگي الهم مو مؤقت دوم
وبشارع الداخل ابدأ بحردان
اذكره من چنت يمه امر تعبان
احچيله شعر يطرح عليه افكار
وعن اخر مشاريعه اسئله شصار
سوگ الفلكه اودعه
واعرف الأسعار
وأخبار الحصار
ولعبه الدولار
جنت اتمنه ابقه لأخر المشوار
وأشوفن معركه امريكا ويه الروس
وياهو بلنتيجه عله الثاني يدوس
وهم يرجع عراق الذهب والخيرات
ويجي الوكت التفرح الطفل
خمس افلوس
ها جبار !!
ميت والسياسه تلعب براسك ?
شجاك شبسرعه ثقيت بلتابوت
شحسبالك خشب ماينقل احساسك
اترك هاذه حچيك غير الموضوع
سولف عن وداعك لأهلك وناسك .
وامشي وعندي ذكره اهنا
هنا طالب وحمزه هنا هنا شنشول
مسكين الحصار ابيته ضل يصول
مدرس ثانوي وطالب راتب حكومه اشبيه
والاطفال كثروا والزمن مخبول
ومشه الموكب
فجأه فز گلبي وراد مني ايطير
مدري اشبيه راسي محاصره التفكير
هزني ورجع هزني ولمه آيس صاح گال انزل اخذ من الملاك اجناح
حميد الكعبي بيته اهنا
وهنا ماجد بيوم الزامط طاح
مدري اشلون نزلت دمعه
من عيني اثاري الناس
هم تبچي بلايه ارواح .
ومشه الموكب .
هاذه سوگ الدور
مونسوان يمشن بيه
ذني بدور
بعده الگلب اخضر يعشگ الحلوات
مايبسه الموت واخذ منه النور .
فجأه طار گلبي طيره العصفور
حلق بلسمه وظل عل سطوح يدور
فر قطاع واحد مانيه ولا دار
مثل طير بسمه ومن الصگر مذعور
گلبي شبيك ? ماجاوبني ظل يدور
وبلهفة امفارگ شفته حط يم بيت
عفيه اعليه ما ناسي ولد صنگور .
كل هاذه التمني وموكب التوديع
يم فلكه الداخل بعده ما طالع
ناس اهواي تتسوك الجوع
وگاطعه الشارع …